WATCH | Cong. Arnulfo Teves, Jr. gintudlo sang 2 ka suspects nga mastermind sa pagpatay kay Negros Oriental Gov. Roel Degamo

Gintudlo sang suspects si Negros Oriental 3rd District Cong. Arnolfo Teves, Jr. nga mastermind sa pagpatay kay Governor Roel Degamo.

Suno sa mga suspek, ‘gin-blind” sila sang gin-hire agud nga mangin VIP security. Pero ginhambalan sila sang ulihi nga patyon ang gobernador tungod “drug lord daw.”

Suno pa sa mga suspek, si certain Marvin ang nag-hire sa ila kag ginhambal suno sa ila ni Marvin nga si Cong. Teves ang nagsugo. “Si Marvin ang nagkuwan (nag-hire) sa amon. Si Cong. Teves daw [ang nag-utos].”

Wala pa nakapaguwa sang reaksyon si Teves sa akusasyon batuk sa iya. Pero sang Lunes, nag-post siya sa iya Facebook account nga nagapanginwala nga may kahilabtanan ang ila pamilya sa pagpatay kay Gov. Degamo.

Suno kay Atty. Ferdinand Topacio nga abogado ni Teves, atubangon nila ang tanan nga issue batuk sa iya kliyente.

“We shall face any and all accusations consistent with the courses outlined in the legal system, confident that, in the end, our client will be exonerated,” suno sa abogado.

Yara sa Estados Unidos si Teves para sa medical procedure. Ginkumpirmar ni House of Representatives Secretary General Reggie Velasco nga tubtob na lang subong nga adlaw ang travel authority sang kongresista.

Ang utod ni Congressman Teves nga si Henry ang nakasumpong ni Governor Degamo sa gubernatorial race sang May 2022 elections. — via SMNI/The Negros Times