ICPO preparado na sa pagbantay sa Paraw Regatta Festival

Naka-preparar na ang Iloilo City Police Office para sa Paraw Regatta Festival nga ma-umpisa buwas, Marso 12, tubtob March 19.

Suno kay ICPO Spokesperson PMAJ Shella Mae Sangrines, masobra 100 ka pulis ang i-deploy nga magabantay sa mga events.

Target sang ICPO nga wala sang may ma-record nga dalagku nga mga insidente sa Paraw Regatta.

Tatlo ka tuig nga wala nakahiwat sang Paraw Regatta tungod sa COVID-19 pandemic. —via Angel Mae Ciudad