1 pilason sang naglapaw ang SUV sa talamnan sa Leganes

ILOILO — Pilason ang sakay sang SUV sang naglapaw sa talamnan sa Brgy San Vicente, Leganes kagab-i, March 28.

Ginkilala ang napilasan kay Danny Hachero, 48, sang Brgy. Cagamutan Norte, Leganes.

Suno kay Police Senior Master Sergeant Willy Aquidado, traffic investigator sang Leganes Police Station, wala natalupangdan sang driver nga si Aniceto Golvero, 59, ang ginakay-o nga dalan rason nga nagdiretso kag naglapaw sa talamnan ang iya salakyan.

Tungod sini, nakaagum sang pilas sa ulo kag tuo nga kilay ang sakay nga si Hanchero.