12 ka mga balay nasunog sa Muelle Loney, City Proper

Iloilo City—Masobra sa P1.1 million ang kahalitan sang sunog sa Brgy. Muelle Loney, City Proper kahapon, Marso 29, suno sa BFP Iloilo City.

Suno kay Fire Officer 3 John Anthony Treveles, arson investigator sang BFP Iloilo City, padayon pa ang imbestigasyon kun ano ang ginhalinan sang kalayo nga nag-umpisa sa balay ni Delia Singson.

Dose (12) ka balay ang nasunog, base sa data sang barangay officials.

Natupok gid ang balay nanday Singson, Jundel Maravilla, Magdalena Morillo, Renato Hilado, Noel Hilado, Jian Coloso, Rizalie Deano, Jr., kag Riza Mae Ortega.

Samtang partially-damaged naman ang balay nanday Evangeline Ledesma, Ralph Abaldonado, Jose Rail Confessor, kag Arnold Roga.

Sa kabug-usan, 26 ka pamilya ang apektado sang sunog nga temporaryo nagatiner sa Montes I Elementary School.