Lalaki nakuhaan sang pusil sa Jaro

ILOILO — Nakuhaan sang 12-gauge nga homemade shot gun ang 23-anyos nga lalaki nga gin-aresto sang police mga las-6:30 kahapon, Abril 2 sa Brgy. Benedicto, Jaro.

Ginkilala ang nadakpan kay Roberto Cataluña.

Base impormasyon halin sa Iloilo City Police Office (ICPO), nagapatrolya kanday Patrolman Jestonie Bacus kag Police Master Sergeant Rodel Aposaga sang nakit-an si Cataluña nga may ginataklos nga pusil.

Wala sang ginpakita nga dokumento sa pusil si Cataluña rason nga gindakup sang police.

Preso si Cataluña sa Jaro Police Station kag natalana naman nga i-turn over sa crime laboratory ang pusil nga nakuha sa iya para sa examination.