Wala ginakumpormehan sang halos kalabanan nga mga ambulant vendors sa Iloilo City ang gina-propose ni Councilor Johnny Young nga limitahan ang oras sang ila pagbaligya halin las-5 sa hapon tubtob las-5 sa kaagahon.
Ginpahayag sang iban nga mga vendors nga mas madamo ang nagabakal sang ila baligya kun adlaw, halin aga tubtob sa hapon kag indi halin sa hapon tubtob sa kaagahon.
Suno pa kay alyas Ramir nga manugbaligya sang fried chicken, ginakalitan niya man kun madamo sang tawo agud mapaubos ang iya mga baligya. Kalabanan naga-umpisa siya sa pagbaligya halin las-11 sa aga tubtob las-6 sa hapon tungod wala na sang tawo nga nagabakal pagkagab-i.
Ginrason ni Councilor Young sa pag-propose sa nasambit nga lihok nga indi manami tan-awon para sa mga bisita ukon turista ang mga vendors kag indi maka-park ang mga salakyan tungod sa ila.
