ILOILO – Nadakpan sang Dingle police ang Top 1 Most Wanted person sang banwa kaina sang aga, suno sa Iloilo Police Provincial Office (IPPO).
Ginkilala ang nadakpan kay Aris John Macahilo, 36 anyos sang Barangay Agtatacay nga may kaso nga murder with the use of unlicensed firearm.
Kaupod sang Dingle police sa pagdakop kay Macahilo ang IPPO Provincial Intelligence Unit kag Provincial Special Operations Group Team 2.
Tungod sini, gindayaw ni IPPO Director Police Colonel Ronaldo Palomo ang kapulisan sa madinalag-on nga operasyon.
Ginpasiguro man sang IPPO nga magapadayon ang operasyon batuk sa mga wanted persons sa probinsiya.
