Mga suspek sa pagtiro kay Glen Paloma nga ginwigit sa Leganes na-identify sang biktima — Pulis

ILOILO –Na-identify ni Glen Paloma ang mga suspek nga nagtiro kag nagbilin sa iya sa talamnan sa Barangay Calaboa, Leganes sang Marso 26 sang aga.

Ini ang ginkumpirmar ni Police Captain John Robles, hepe sang Leganes Police Station.

Suno kay Robles, natandaan ni Paloma ang hitsura sang lima ka mga suspek.

May lima ka persons of interest nga ginasundan ang Leganes police, suno kay Robles, pero indi na siya maghatag sang dugang nga detalye.