P340k nga balor sang suspected shabu, mga armas na-recover sa drug buy bust operation sa Dingle

ILOILO —Na-recover ang P340,000 nga balor sang suspected shabu nga nagabug-at sang 50 grams kag mga indi lisensyado nga armas sa drug buy bust operation sa Barangay Bongloy, Dingle.

Base sa report sang Iloilo Police Provincial Office (IPPO), nadakpan sa operasyon kanday Donnie Benecio, 50-anyos; Peter Paul Benecio, 25-anyos; Don Christian Benecio, 23-anyos; Rico Benecio, 45-anyos nga lunsay residente sang Brgy. Bongloy, Dingle; kag Rouie Pelaez, 44-anyos sang Barangay Iwa Ilaud, Pototan.

Ginhimo ang operasyon sang Dingle Station Drug Enforcement Team upod sa Provincial Drug Enforcement Unit (PDEU), IPPO PIU, 2nd Iloilo Provincial Mobile Force Company (IPMFC), Regional Intelligence Unit (RIU) 6, kag Philippine Coast Guard Intelligence Group – Western Visayas.

Ginpanginbulahan naman ni IPPO Director Police Colonel Ronaldo Palomo ang mga units nga nag-conduct sang operasyon.

Ginapasangkad sang IPPO ang kampanya batok sa illegal drugs agud malab-ut ang “drug-free Iloilo province.” –via IPPO