Poultry farm sa Pototan nasunog

ILOILO – Gintupok sang kalayo ang building sa poultry farm sa Zone 1, Brgy. Igang, Pototan kagab-i.

Suno kay SFO4 Ricky Piolo sang BFP Pototan, human sa light materials ang building gani madasig nga naglapta ang kalayo kag nasunog ang ginabanta 21,000 ka mga day-old chicks ukon pisu.

Faulty electrical connection ang ginasundan nga anggulo sang BFP sa natabu nga sunog, suno kay SFO4 Piolo. –via Jorge Cabrera