Taxi driver pilason sang ginbuno sang barker sa Parola Wharf

ILOILO CITY — Pilason ang taxi driver nga si Exekiel Abonador, 36-anyos sang Brgy. Bayuco, Lambunao nga nagamaneho sang C-Gop Taxi Incorporated sang nabun-an sang barker sa Parola Wharf kagab-i, Abril 16.

Suno kay Police Captain Peter John Ramos, hepe sang Police station 1 samtang nagahulat sang pasahero ang biktima sang gulpi nga ginhampak sang barker nga ginkilala kay Kenneth Batangga, 31-anyos sang Zone 4, Brgy Concepcion, City Proper ang iya taxi unit.

Nagguwa sa taxi ang driver para i-check kun sin-o naghampak pero gilayon siya ginbuno sang matalum nga bagay sang suspetsado.

Napilasan sa wala nga parte sang iya dughan ang driver nga gindala sa ospital.

Madasig naman nga nagpalagyo ang suspetsado pagkatapos sang insidente.