Utod nga kamot sang tawo nasapwan sa Bacolod City

Patay ang 69-anyos nga amay sang ginlabu sang iya bata sa Brgy. Ginot-an, San Joaquin, Iloilo.  

Sa imbestigasyon ni Police Corporal Brendon John Chicano sang San Joaquin Police Station, naglisensya ang bata nga si alyas Jomar nga sa iya amay nga si Loreto nga malagaw upod sa iya abyan apang wala nagpasugot ang biktima tungod wala sang may mabantay sa ila sapat.

Ginpahayag sang pulis nga may natabo nga pagbaisay sa tunga sang mag-amay tubtob nga napikon ang biktima kag ginlabu sang ginataklos nga binangon ang iya bata nga naigo sa likod sang ulo.

Nagpukutay pa ang duha, naagaw sang bata ang binangon kag ginlabu man ang iya amay nga naigo sa likod sang ulo, guya kag liug.

Nag-surrender sa pulis ang suspek kag naghinulsol sa natabo suno pa sa pulis.  Nagapangatubang sang kaso nga parricide ang suspetsado. — with additional information from Aksyon Radyo Bacolod