ILOILO — Dead-on-arrival sa ospital ang 60-anyos nga babaye sang nabungguan sang pick-up samtang nagatabok sa karsada sa Bolong Oeste, Sta Barbara kagab-i, Abril 23.
Ginkilala ang napatay kay Marilou Suplido sang amo man nga barangay.
Suno kay Police Corporal Mark Puga, traffic investigator sang Sta Barbara Municipal Police Station, nagatabok ang babaye sang gulpi lang nabungguan sang pick-up nga ginamaneho ni Nikhel Nowlakha, 18-anyos, sang Brgy Ayaman, Cabatuan.
Ginhingagaw pa dala sa ospital ang tigulang pero wala natabangan tungod sang pilas sa ulo kag lawas.
Gilayon man nga nag-surrender ang driver sang pick-up sa police station.
