Salakyan nga nag-overtake sa multicab, tricycle nahulog malapit sa sapa sa New Lucena
ILOILO — Nahulog malapit sa sapa ang pick-up truck nga nag-overtake sa multicab kag tricycle sa Brgy. Wari-Wari, New Lucena kahapon, Mayo 1.
Suno kay Police Corporal Robertson Jamandron, imbestigador sang New Lucena Municipal Police Station, ginhingagaw kuntani sang driver nga magbalik sa iya nga lane tungod may nasumalang nga pick-up apang nadulaan ang driver sang kontrol sa salakyan.
Una nga nakabunggo ang pick-up truck sa poste sang streetlight kag nagdire-diretso tubtob nga nahulog malapit sa sapa.
May 50-metros halin sa karsada ang ginhulugan sang salakyan suno pa kay Jamandron.
Dugang sang pulis, wala sang may napilasan sa anum tanan ka mga sakay sang salakyan.
Halin sa Pototan kag padulong kuntani sa Pavia ang salakyan suno pa sa pulis.
Nagpamalibad ang mga involved nga hingadlan, suno kay Jamandron, apang lunsay sila naga-obra sa isa ka construction company. — via Aksyon Justice Savannah Pamplona
