Pangayaw dakup sa drug buy bust operation sa Jaro

ILOILO CITY — Na-recover ang P27,200 nga balor sang suspected shabu sa 26-anyos nga pangayaw sa Brgy. Buhang, Jaro las-12:24 kaina sang kaagahon.

Sa report sang Iloilo City Police Office, ginkilala ang nadakpan kay Reymond Casaquite nga tumandok sang Brgy. Malag-it, Lambunao kag temporaryo naga-estar sa Blk 22 Housing, Mandurriao.

Nabaklan si Casaquite sang isa ka sachet sang suspected shabu sa balor nga P1, 000 kag na-recover pa gid ang dugang nga duha ka sachets sang illegal drugs kag mga non-drug items.

Ginatinguhaan sang Aksyon Radyo Iloilo news team nga makuhaan sang pahayag ang subject nga preso sa Jaro Police Station.