Iloilo City Mayor Jerry Treñas gintawag nga ‘bastos’ ang taga-NGCP
Nagpangakig si Mayor Jerry Treñas sa National Grid Corporation of the Philippines.
Sa impormasyon nga nakalab-ot sa Aksyon Radyo Iloilo, wala nakatambong face-to-face ang Presidente sang NGCP kag ma- zoom lang rason nga gintawag sang alkalde nga “mga bastos.”
Ginpahalin sang alkalde ang representante sang NGCP nga nagkadto personal sa iya.
“I asked the NGCP representative , a lawyer to leave. He is not qualified to explain to me the situation of the transmission lines . They do not respect me as mayor of Iloilo City,” suno sa alkalde.
Dugang pa ni Mayor Treñas, ginkansela niya ang meeting kaupod ang NGCP kag mahulat siya tubtob bwas kun makatambong ang presidente sang NGCP.
Dapat respetuhon sang NGCP ang ila mga konsumedor.
Nauna nga ginpahayag sang alkalde nga ginpatawag niya sa meeting ang NGCP agud mahibaluan kun ngaa mas maayo ang transmission lines sang Cebu kag Davao kumpara sa Panay kag Guimaras.
