Pagkay-o sa Ungka flyover suguran sa Enero 2024 – DPWH Usec Roberto Bernardo

ILOILO – Posible suguran sa Enero 2024 ang pagkay-o sa kontrobersiyal nga Ungka Flyover, suno sa Department of Public Works and Highways (DPWH).

Ginhimo ni DWPH Undersecretary for Visayas Roberto Bernardo ang pahayag sa Regional Development Council (RDC) meeting.

Suno sa iya, nakadepende gihapon ang pag-umpisa sa pagkay-o sang flyover tungod ginapangitaan pa sang pondo.

Suno naman kay Engr. Adam Abinales, Chief Executive Officer sang Abinales Associates Engineers plus Consultants, P250 million ang minimum nga pondo ang kinahanglan agud mahimo ang ratification scheme 1 ukon ang pagpadako sang haligi kag pagdugang sang bored piles ukon pilote sa ika-apat, ikalima, kag ika-anum nga haligi sang Ungka Flyover.

Ginpasalig naman ni Bernardo nga posible hiwaton sa Enero 2024 ang bidding agud mapilian kun sin-o ang contractor para sa pagkay-o sa flyover.

Una na nga gin-report nga naga-usmod ang 16 tanan ka haligi sang Ungka Flyover.