Heritage building sa City Proper nga may depekto ginbutangan sang net

ILOILO CITY — Ginbutangan na sang net sang tag-iya ang heritage building sa diin may nagkalataktak nga concrete moldings sa Ledesma St., City Proper.

Suno sa naga-obra, butangan nila sang net halin sa entrance sang Unitop nga naga-atubang sa Plazoletagay tubtob sa porsyon sang building sa diin nagkalataktak ang concrete moldings.

Nagsugod kahapon sang hapon ang pagbutang sang net.

Naghingyo ang Office of the Building Official sa mga building owners nga pabutangan sang net ang ila buildings nga may major cracks.

Magluwas diri, gin-extend man sang OBO ang sakop sang latid.

Sang nagligad nga semana, duha ka estudyante ang nahulugan sang concrete moldings halin sa building.