Masobra P13K nga balor sang suspected shabu, pusil na-recover sa drug buy bust operation sa City Proper

ILOILO CITY — Na-recover sang kapulisan ang P13,600 nga balor sang suspected shabu sa 27-anyos nga lalaki sa Brgy. Rizal Pala-Pala 2, City Proper kagab-i, Hunyo 8.

Ginkilala ang subject kay Joebert Porras, residente sang amo man nga barangay.

Base sa report, nabaklan ang subject sang isa ka sachet sang suspected shabu sa balor nga P5,500.

Na-recover pa gid sa iya ang duha ka sachets sang suspected shabu, non-drug items kag 12-gauge shotgun.

Si Porras ang ginakabig sang pulis nga Street Level Individual (SLI).

Ginatinguhaan sang Aksyon Radyo Iloilo nga makuhaan sang pahayag ang arestado.