Mga hepe sa Iloilo province ginpaidalum sa surprise random drug test

ILOILO – Ginpaidalom sa surprise random drug test ang mga hepe sang police stations sa Iloilo province.

Ini sang nagbisita sa Iloilo Police Provincial Office (IPPO) headquarters sa Santa Barbara, Iloilo si acting Police Regional Office (PRO) 6 Director Police Brigadier General Sidney Villaflor kahapon, Hunyo 8.

Antes sini, ginpahanumdom ni Villafor ang mga kapulisan sa Five-Focused Agenda sang chief sang Philippine National Police (PNP) nga Agresibo kag Tampad nga law enforcement operations, Personnel Morale kag Welfare, Integrity Enhancement, Information and Communication Technology Development, kag Community Engagement.

Magluwas diri, may gin-conduct man nga command conference nga gintambungan sang IPPO Command Group sa pagpanguna ni IPPO Director Police Colonel Ronaldo P Palomo, provincial staff, chiefs of police kag force commanders.

Wala pa nagguwa ang resulta sang drug test.

Sang damlag lang, ginpaidalom man sa drug test ang tanan nga provincial kag city police directors sa bug-os nga Western Visayas.