Gindeklarar sang the Philippine National Police, Philippine Army, kag Philippine Coast Guard (PCG) nga insurgency-free ang Iloilo City.
Ini sang gin-aprubahan kag gin-adoptar ang Joint Peace and Security Coordination Center (JPSCC) resolution sa joint meeting sang City Peace and Order Council kag Iloilo City Anti-Drug Abuse Council, kahapon, Hunyo 16.
Suno kay Mayor Jerry Treñas, “I am pleased of this declaration by various law enforcement agencies, as this is a manifestation of all our hard work in creating a safe and livable city. We will continue with our initiatives to maintain our insurgency-free and generally peaceful status.”
Tungod ini sa padayon nga joint kag pagpanikasog sang mga police, military kag civilian nga mabatuan ang terorismo, insurgency, kag highly organized crimes sa syudad.
Gin-report sa JPSCC meeting nga wala na sang na-record nga New People’s Army-initiated violent incidents, wala man sang na-monitor nga non-violent urban activities tungod na-perpetrate na sang Communist Party of the Philippines (CPP)-NPA, kag wala man sang CPP-NPA formation sa syudad halin 2018.
Nagtambong sa JPSCC meeting ang mga representatives sang Iloilo City Police Office, 301st Infantry Brigade, kag PCG.
Ginpabutyag sang JPSCC members nga nagapabilin nga hilway sa pagpamahog sa CPP-NPA ang syudad.
