ILOILO CITY — Nadakpan sang City Drug Enforcement Unit ang mag-live-in partner sa drug buy bust operation sa Barangay South Baluarte, Molo kagab-i, Hunyo 27.
Suno kay Police Captain Roque Gemino III, team leader sang CDEU, nakuhaan sang 18 ka plastic sachets sang suspected shabu nga nagabalor sa P340,000 sanday Ramezis Vega, 41-anyos, kag Vic Nelly Belonio, 48-anyos.
Na-recover pa gid sa ila ang duha ka sachets nga may unod nga laya nga dahon sang marijuana kag 10,000 nga buy bust money.
Ginpanginwala sang mag-live in partner nga nagabaligya sila sang illegal drugs, pero gin-ako ni Vega nga nagagamit siya sang droga.
