Nag-surrender si Jesus Dipus, Jr. nga isa sa mga suspek sa pagpatay kay Cezar Dipus, Jr. sa Barangay Pagdugue, Dumangas kahapon sang kaagahon.
Ini ang ginkumpirmar ni Police Major Kenn Albert Lepsia, hepe Dumangas Police Station.
Suno kay Lepsia sa Police Station 4 sang Bacolod City nag-surrender si Dipus, Jr.
Gin-athag man ni Lepsia nga wala nag-surrender ang amay nga si Jesus Dipus.
Gina-proseso subong sang Dumangas Police ang pagkuha sa Bacolod City kay Dipus, Jr.
Kahapon sang aga, nasapwan nga patay sa sulod sang iya balay si Cezar Dipus, Jr.
Suno sa Dumangas police, may pilas sang pagkatiro sa liug ang biktima.
May testigo nga nakakita sa mag-amay nga Dipus nga naghalin sa balay sang biktima, naglakat pa-highway kag nagsakay sa bus pakadto sa siyudad sang Iloilo.
Sa initial nga imbestigasyon sang Dumangas police, daan nga hiligut-anon nga ginasunod nga motibo sa krimen tungod may indi pag-intiendihanay sadtu sa tunga sang biktima kag sang iya himata nga si Jesus Dipus.
