GUIMARAS — Nakuhaan sang P27,000 nga balor sang suspected shabu ang tricycle driver nga nadakpan sa drug buy bust operation sa Barangay Sto. Rosario, Buenavista, kahapon sang hapon, July 4.
Ginkilala ang subject kay Brian Pracillo, 31-anyos sang Barangay Navalas, Buenavista nga nakuhaan sang anum ka sachets sang suspected shabu, kag P1,200 nga buy bust money.
Suno kay Police Major Kenneth Bermejo, head sang PDEU-GPPO, yara sa listahan sang mga tokhang surrenderer si Pracillo sa amo nga barangay, tatlo ka tuig na ang nakaligad.
Nagpa-Manila ang subject sang pila ka tuig kag nagbalik sa Barangay Navalas para liwat magbaligya sang illegal nga droga.
Antes nadakpan si Pracillo, gin-monitor siya sang mga otoridad sang pila ka semana kag nag-conduct sang operasyon.
Base sa nakuha nga impormasyon sang PDEU-GPPO sa siyudad sang Iloilo nagakuha sang supply ang subject.
