Lokal

8 nalumos sa beach resort sa Guimbal

ILOILO — (UPDATED as of 8:11am, July 6) Duha ang patay samtang anum ang confined sa ospital sang nalumos sa Tinagong Dagat Beach Resort sa Barangay Baras, Guimbal kaina sang aga.

Sa walo ka mga nalumos, pito diri ang mga miyembro sang pamilya nga nag-excursion sa resort kag isa ang nagbulig rescue sa mga biktima.   

Una nga na-rescue ang lima ka mga miyembro sang pamilya kag ginpangdala sa Rep. Pedro G. Trono Memorial Hospital sa Guimbal.  Gindala man sa ospital ang nagbulig sa mga biktima.  

Ulihi na nakit-an ang mag-utod nga lalaki nga naga-edad sang 16 kag 15-anyos kag gindeklarar nga dead-on-arrival sa ospital.

Suno kay Police Captain Felice Dioso sang Guimbal Police Station, lunsay residente sang Barangay Sta Cruz, San Miguel ang mga miyembro sang pamilya nga nalumos.

Gin-identify sang Guimbal police ang mga naluwas kanday Zuwela Zabdani, 23-anyos; Rhojani Zabdani, 19; Grace Abegail Moreno, 16; Kristelle Faith Domine, 10 ka tuig; kag Norma Moreno, 52-anyos.

Ginkilala naman ang nag-rescue nga si Leo Lagare, 50-anyos.  Sa initial nga impormasyon sang Guimbal police, nakakadto sa madalum nga portion sang dagat ang mga biktima, gin-igo sang dalagku nga mga balod kag naanod sang mabaskog nga daludo sang tubig.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply