24-anyos nga babaye nga PWD nagreklamo nga 3 ka beses nga ginhimuslan sang duha niya ka kasilingan sa Estancia

Nagpanugid sa iya amay ang 24-anyos nga babaye nga may “special needs” nga tatlo ka beses siya nga ginhimuslan sang duha nila ka mga kasilingan sa Estancia, Iloilo.

Suno sa amay sang babaye, natabo ang una nga paghimulos sa iya bata sang Mayo 2. Nasundan ini sang Mayo 27 kag pinakaulihi sang Hunyo 24.

Dugang pa sang amay, gin-aksyon pa sang iya bata kun ano ang ginhimo sang duha sa iya.

Naga-upod sa iya pakaisa sa pagbaligya sang utan ang babaye gani posible nga nakakita sang tiyansa ang duha nga himuslan siya, dugang pa sang amay.

Ginpa-medical test na ang babaye agud makumpirmar kun nahimuslan gid man siya.

Ginapreparar naman sang kapulisan ang mga dokumento agud mapasakaan sang kaso ang duha.