1 arestado 1 nakapalagyo sa drug buy bust operation sa City Proper

ILOILO CITY — Isa ang arestado samtang isa ang nakapalagyo sa gin-conduct nga drug buy bust operation batok sa mag-amay nga high value individuals (HVI) sa Rizal Pala-Pala Uno, City Proper kaina sang udto.

Suno kay Police Lieutenant Glen Soliman, team leader sang Regional Police Drug Enforcement Unit (RPDEU 6), na-aresto ang bata nga si Michael John Hilario, alyas Tol, 29-anyos samtang nakapalagyo naman ang amay nga si Virgilio Hilario, alyas Jun-Jun, 47-anyos.

Ginpahayag ni Soliman nga posible yara lang sa lugar si Virgilio kag nagapanago.

Nabaklan ang mag-amay sang isa ka sachet sang suspected shabu kag na-recover pa gid ang 10 plastic sachets sang suspected shabu nga ginabanta nagabalor sang P374,000.

Wala na naghatag sang statement ang nadakpan nga subject.