ILOILO CITY — Dakup sa drug buy bust operation sa Don Esteban, Lapuz ang empleyado sang Iloilo Provincial Capitol.
Gin-identify ni P/LTCOL Antonio Benitez, Jr., head sang City Intelligence Unit sang Iloilo City Police Office, ang subject kay Jojerick Bisnar.
Na-recover sa iya ang siyam ka sachets sang suspected shabu.
Suno kay Benitez, Jr., isa ka bulan ang ila monitoring sa subject.
Gina-classify ang subject nga high value individual drug personality, suno kay Benitez.
Samtang, ginpabutyag ni Bisnar nga mga isa ka bulan pa lang siya nga nag-board sa Don Esteban.
Ginpabutyag ni Bisnar nga wala man gid siya permi naga-tinir sa boarding house kag ginatigana niya lang ini kun maalangan siya.
“No comment” naman siya sa pagkdakup sa iya sang ginpamangkot sang Aksyon Radyo News Team.
