Presyo sang bugas sa mga merkado plano nga ipa-check ni Iloilo Gov. Arthur Defensor, Jr.

ILOILO – Plano ni Iloilo Governor Arthur Defensor, Jr. nga ipa-check ang presyo sang bugas sa merkado tungod sa impormasyon nga posible magamahal sang P4 pesos ang kada kilo.

Suno sa gobernador, ang pagmahal sang presyo sang bugas ang isa sa mga wala niya naluyagan. Isa man sa mga factors sa posible pagtaas sa bugas amo ang padayon nga pagtaas sang inflation rate sa pungsod.

Ipatawag man ni Defensor ang Price Council pananglitan nga ma-verify ang impormasyon nga iya nabaton. Luyag man niya mahibaluan kun sa Iloilo lang ini ma-eksperyensyahan ukon mabatyagan man ini sa iban nga probinsiya sa pungsod.

Nagaplano man ang gobernador nga magpahamtang sang mga level-up high-breed rice program kaupod ang national government agud nga mapataas ang rice production sa probinsiya.

Base sa record, ikalima ang Iloilo sa may pinakamataas nga rice production sa Western Visayas.