ILOILO CITY —Tatlo ang arestado sa drug buy bust operation sa Brgy. Tabuc Suba, Jaro kagab-i, Agosto 18.
Ginkilala ang subject sa drug buy bust operation kay Arturo Castor.
Lakip man sa nadakpan kanday Danilo Puga kag Felicito Cuenca.
Si Castor ang nadakapn may kaangtanan man sa illegal drugs sang 2011 kag nakaguwa sa presuhan sang 2020.
Suno kay P/LTCOL Antonio Benitez, head sang City Intelligence Unit sang Iloilo City Police Office (ICPO), lunsay high value individual drug personalities ang mga nadakpan.
Dugang pa ni Benitez, gina-validate nila kun “main source” ang ginakuhaan sang illegal drugs sang nadakpan.
Suno naman kay ICPO Director Colonel Joeresty Coronica, sa Pavia nagakuha sang supply sang illegal drugs ang mga nadakpan.
Ginabanta sa 110 grams ang balor sang nakuha nga illegal drugs nga may market value nga P748,000.
Ginkumpirmar man ni Tabuc Suba, Jaro Punong Barangay Joel Jabonillo nga madamo sang impormasyon nga nagasulod sa ila sa kahilabtanan sang tatlo ka nadakpan sa illegal drugs. —via Angel Mae Ciudad/ICPO
