ILOILO — Dakup sa drug buy bust operation ang Street Level Individual (SLI) sa Brgy. Santol, San Dionisio sang Sabado sang hapon, Agosto 20.
Ginkilala ang subject kay Pilsen Ferrer, tricycle driver kag residente sang Brgy. Bondulan, San Dionisio.
Suno kay Police Captain Soviet Torre, hepe sang San Dionisio Municipal Police Station ginpanginawala sang subject nga nagabaligya kag nagagamit siya sang illegal nga druga.
Base sa imbestigasyon, sa syudad sang Iloilo nagakuha sang supply ang subject samtang mga taga-San Dionisio kag halin sa mga kaiping nga banwa ang nagabakal sa iya.
Tatlo ka semana ang nangin monitoring kay Ferrer.
Nabaklan sang isa ka sachet sang suspected shabu nga may bug-at nga 1 gram ang subject kag may standard drug price nga P6,800.
Nakuha man ang wallet, cellphone, kag motorsiklo nga non-drug items.
Preso na sa San Dionisio Municipal Police Station si Ferrer.
