ILOILO – Pilason ang 11 ka sakay sang truck nga nahulog sa kilid sang karsada sa madalom nga porsyon sa Brgy. Compo, San Enrique pasado las-tres kahapon sang hapon.
Suno kay PSSg Paul Nalangan, imbestigador sang San Enrique Police Station, naka-inom sang makahulubog nga ilimnon ang driver sang truck.
12 ang sakay sang truck lakip na ang driver.
Gindala naman sa ospital ang 11 ka sakay. Sa 11, apat ang mga menor-de-edad.
Una na ginpahayag sang police nga halin sa Cabas-an Cold Spring ang truck kag mapuli na kuntani apang nagdesisyon ang mga sakay nga mahapit sa viewing deck.
Samtang nagapataklad ang truck, napatay ang makina rason nga nagdalus-os kag nadulaan sang kontrol ang driver sa manibela. —via Paula Jane Elambayo/Maria Kayla Tingzon
