ILOILO CITY —Nadakpan sang Jaro police ang gintudlo nga nag-hold up sa duha ka taxi drivers sa Jaro kagab-i.
Ini ang ginkumpirmar ni Police Major Eduardo Siacon, hepe sang Jaro Police Station.
Ginkilala ang suspek sa pag-hold up kay Regie Marin, 32-anyos kag temporaryo nga naga-tinir sa Barangay Baluarte, Molo.
Nadakpan sa hot pursuit operation sang mga pulis ang suspek sa Lanit, Jaro kaina sang kaagahon.
May na-recover kay Marin ang isa ka sachet sang suspected nga shabu kag kutsilyo.
Gin-ako ni Marin nga siya ang nag-hold-up sa drivers sang Kaolikhan Taxi kag Light of Glory Taxi sa Jaro kagab-i, kag ang nag-hold-up sa driver sang Insoo Taxi sa Brgy. Pakiad, Oton sang Huwebes sang kaagahon. —via Angel Mae Ciudad
