Hinablos patay sang natiruhan sang iya tiyo sa Lambunao

ILOILO — Patay ang lalaki sang natiruhan sa Brgy. Bonbon, Lambunao las-7:30 kagab-i, Setyembre 14.

Sa impormasyon sang police, may ginasuprer nga balatian ang biktima.

Suno kay Police Major Joegen Suegay, hepe sang Lambunao Municipal Police Station, nagkadto ang biktima sa balay sang iya nga tiyo kag nagpanghana nga manglabo sang binangon.

Tungod sini, nagdepensa ang tiyo kag natiruhan ang biktima, suno sa police.

Pagkatapos natiruhan, nagkadto pa ang biktima sa balay sang iya isa pa gid ka tiyo suno sa police, pero liwat nga natiruhan tungod nagwaras nga may ginabitbit nga binangon.

May pilas sa ulo kag tiyan ang biktima, suno sa police.

Nag-surrender sa Lambunao Police Station ang mga tiyo.