ILOILO – Gindeklarar nga overall champion ang West Visayas State University (WVSU) sa Regional State Colleges and Universities Athletic Association (RSCUAA) 6.
Ini gin-host sang Carlos Hilado Memorial State University sa Talisay City, Negros Occidental.
Ang WVSU, nakakuha 104 ka medalya lakip ang 41 ka gold; 28 ka silver; kag 35 ka bronze medals. Nagpangaduha naman ang Iloilo Science and Technology University (ISATU) nga may 97 ka medals lakip ang 39 ka gold; 37 ka silver; kag 21 ka bronze medals, samtang nagpangatlo ang Guimaras State University nga may 64 ka medalya lakip ang 24 ka gold; 24 ka silver; kag 16 ka bronze medals.
13 ka State Universities and Colleges (SUCs) sa Western Visayas ang nagpasakop sa regional sporting event.
