Ginkilala sang Million Dollar Round Table (MDRT) nga pinakabata nga life member nila sa Asya ang Ilonggo nga si Neil Andrew Llorente.
Ginbaton ni Llorente ang award sa MDRT Global Conference sa Singapore sang Agosto 28 tubtob 30, 2023.
Ang MDRT nga premier association sang mga top professionals, independent nga asosasyon sang nagapanguna nga mga life insurance kag financial services professionals sa masobra 700 ka kompaniya halin sa 80 ka mga pungsod kag territories.
Malab-ut ang MDRT Life Membership status kun ma-qualify sa 10 ka sunod-sunod nga tuig. Ini na ang ika-11 nga qualification year ni Llorente rason nga nakuha niya ang award.
Si Llorente ang Executive Financial Advisor kag multi-awarded nga Wealth Portfolio Manager.
