Christmas Tree of Hope sang Aksyon Radyo Iloilo kag Iloilo City Government bukas na!

ILOILO CITY —Liwat nga nagbanaag ang Esplanade 1 sa pagpasiga na sang Christmas Tree of Hope sang Aksyon Radyo Iloilo kag Iloilo City Government.

Antes ginpasiga, may pahampang nga ginhimo ang mga personnel sang Aksyon Radyo Iloilo agud malingaw ang mga tumalan-aw.

Ini na ang ika-apat nga tuig nga partnership sang Aksyon Radyo kag city government sa proyekto.

Disyembre 2020 sang ginsuguran ang proyekto agud mapabatyag sang amo nga tiun sa mga Ilonggos ang espiritu sang paskuwa, kalipay, kag paglaum sa pihak sang COVID-19 pandemic.

Halin sadto, tuigan na ang proyekto.

Nahamtang sa entrance sang Esplanade 1 ang Christmas Tree of Hope, lakip na ang tunnel kag umbrella canopy nga nagdugang sa katahom sang lugar.

Ginapasalamatan man sang Aksyon Radyo Iloilo si Engr. Leonardo Belasa sang Stellar Builders nga naghimo sang Christmas tree.