Lupok ang pusil nabatian sa guwa sang BJMP Ungka

ILOILO CITY — Ginkumpirmar ni Jail Superintendent, Atty. Jairus Anthony Dogelio, warden sang Bureau of Jail Management ang Penology sa Ungka, Jaro, nga may nagpalupok sa guwa sang pasilidad kagab-i, Oktubre 20.

Suno kay Dogelio, nabatian sang naga-duty nga personnel sa gate ang lupok sang pusil. Pero sang ginguwaan sang personnel, wala na sila sang may nakita.

Sa pagpangusisa sang Aksyon Radyo Iloilo news team sa mga residente sa palibot, may lalaki nga nagpalupok malapit sa gate sang pasilidad. Nakita nila nga nakataya sa duta ang pusil sang ginpalupok sang lalaki.

Lima ka lupok ang nabatian sang witness.

Base sa panuaron sang witness, nagsakay man gilayon sa iya motorsiklo ang lalaki nga nakasuksok sang fatigue nga pantalon kag t-shirt nga puti. —via Angel Mae Ciudad