Masobra 21K i-deploy sa Western Visayas agud magbantay sa 2023 BSKE

Linibo ang iga-deploy sang Police Regional Office 6, Philippine Army, Bureau of Fire Protection, kag Philippine Coast Guard agud magbantay sa Barangay kag Sangguniang Kabataan elections sa Western Visayas.

Ginhiwat ang send-off sa 21,694 ka iga-deploy paagi sa programa sa PRO 6 headquarters nga ginpangunahan ni PLTGEN Patrick Villacorte, Commander, Area Police Command – Visayas.

Sa data sang ipadala sa field, pinakamadamo ang deployment sang PNP nga may 12,486, samtang 6,741 ang halin sa Philippine Army; 2,437 sa BFP; kag 30 sa Coast Guard.

Sa iya mensahe, ginpabutyag ni PLTGEN nga tuyo sang deployment nga masiguro ang matawhay nga eleksyon kag ma-practice sang mga botante ang ila kinamatarong sa pagboto sa Barangay kag Sangguniang Elections sa Oktubre 30.