DILG dapat resolbahon kun san-o masugod ang termino sang mga madaug nga kandidato da 2023 BSKE

Dapat resolbahon sang Department of the Interior and Local Government (DILG) kun san-o masugod ang termino sang mga madaug sa Barangay and SK elections sa Oktubre 30.

Paathag ni Atty. Dennis Ausan, director sang Comelec 6, ang maathag lang amo nga matapos sa Enero 1, 2026 ang termino sang mga madaug sa eleksyon sa Oktubre 30.

“Originally ang election sang aton barangay and SK officials supposedly sang December 5, 2022. Galing na-reset kag may laye nga ginpasar nga gin-schedule October 30, 2023. Pero gin-challenge ini kag nangibabaw ang challenge kag gindeklarar sang Korte Suprema nga unconstitutional ang pag-reset sang eleksyon pero naghambal ang Supreme Court nga padayunon ang October 30. Ang epekto niya sini na-revive ang previous law [sa barangay election],” suno kay Ausan.

Dugang nga paathag ni Ausan, “kun nadayon ang eleksyon sang December 5, 2022 ang mga nagdaug didto supposedly nag-resume office at noontime of January 1, 2023. Galing tungod wala nadayon ang eleksyon wala man sang na-elect at that time. Ang isa ka view nagahambal nga ang sa subong nga barangay officials are in holdover capacity kay supposedly nag-end na sila sang noontime of January 1, 2023. Kun holdover sila, they are there until such time that their successor is elected and qualified.”