Tore sang Molo church nagkalayo sang naigu sang kilat

ILOILO CITY — Napalong gilayon ang kalayo sang naigu sang kilat ang pinnacle sang Molo Church kagab-i, Oktubre 25.

Suno sa vendor nga si Alyas Inday, nagpangilat kag nakita niya nga gulpi lang nagkalayo ang pinnacle sang Molo Church.

Wala na nag-ibwal ang kalayo suno kay Inday kag gilayon nga napalong.

Ginpahayag naman ni Fire Officer 2 Jorge Benedicto sang Molo Fire Station nga sang nabaton nila ang impormasyon, gilayon sila nagresponder mga las-7:05.

Pag-abut nila sa Molo Church mga las-7:06 agud i-verify ang impormasyon, wala na sang may nagabaga suno sa iya.

Mabaskog nga pag-ulan nga may pagpangilat kag pagpanaguob ang na-experiensiyahan sa Iloilo City subong nga gab-i.