17 Chinese nationals arestado sa raid sa cybersex den sa Jaro

ILOILO CITY —Arestado ang 17 ka mga Chinese nationals sang gin-raid sang mga pulis ang balay nga ginatudlo sang police nga cybersex den sa Barangay Balantang, Jaro kaina sang kaagahon.

Suno kay Police Lt. Col. Antonio Benitez, Jr., head sang Intelligence Unit sang ICPO, lunsay mga lalaki nga naga-edad sang 30-anyos pataas ang ila na-aresto.

Na-recover sa balay ang 24 ka mga computers, sim cards, kag cellphones nga ginagamit sang cybercrime operation.

May nakit-an ang pulis nga mga foreign customers sa mga computers kag nude photos sang mga Pinay.

Anum ka bulan na nga naga-arkila sa balay ang mga Chinese nationals kag malapit isa ka bulan ang monitoring sang police antes sang gin-raid.

Wala nalakip sa raid ang tag-iya sang balay, suno kay Benitez.

Nagbalibad nga magpa-interview ang mga arestado. —via Angel Mae Ciudad