ILOILO– Patay ang bana sang ginwasay sang iya asawa sa Calinog las-4 kahapon sang kaagahon, Nobyembre 13.
Suno kay Police Major Myles Dieron, hepe sang Calinog Municipal Police Station, nabugtawan na lang sang ila apat ka tuig nga bata nga lalaki kag nakita nga may pilas sa tangkugo ang iya amay gani gilayon nga nagdalagan sa iya nga lolo sa pihak nga balay kag nagpangayo sang bulig.
Wala sa balay ang asawa kag nagpauli lang pagka-aga, suno sa police.
Ginpahayag sang police nga gin-ako sang asawa nga siya ang nagwasay sa iya nga bana samtang nagakatulog. Ginpabutyag sang asawa nga wala sila sang may gin-awayan sang iya nga bana kag wala man siya nakahibalo kun ngaa nahimo niya ang krimen.
Sa pag-assess sang police, posible may ginasuprer nga balatian ang asawa kag nakaagi bughat.
