Iloilo City—Patay ang 30-anyos nga lalaki sang nabun-an sa Zone 5, Brgy Tacas, Jaro kagab-i.
Ginkilala ang biktima kay Rammel Abordaje.
Gindala pa sa ospital ang biktima apang gindeklarar nga dead-on-arrival tungod sa patal nga pilas sa likod.
Suno sa amay nga si Margie, nagabantay kag nagahampang sang pool ang biktima sang ginbuno sang wala makilala nga suspek.
Gin-ako sang amay nga may deperensiya sa paminsaron ang iya bata kag may maintenance nga bulong.
Dugang sang amay nga ginhambalan lang siya nga nabun-an ang iya bata rason dali-dali nga nagkadto sa crime scene.
Gina-imbestigaran na sang Jaro police ang insidente.
