Pamilya sang mga napatay sa nadisgrasya nga Ceres bus sa Hamtic, Antique nakabaton sang burial assistance halin sa Antique Provincial Gov’t

Nakabaton sang tag-P20,000 nga burial assistance ang pamilya sang mga napatay sang nahulog sa pil-as ang Ceres bus sa Brgy. Igbucagay, Hamtic, Antique sang Disyembre 5.

Sa 19 ka mga napatay, lima pa lang ka mga beneficiaries ang nakabaton sang assistance tungod ginahulat pa nga makumpleto sang iban ang mga dokumento nga ginakinahanglan sang probinsiya paagi sa Provincial Social Welfare and Development Office.

Si Antique Gov. Rhodora Cadiao mismo ang nagdaho sang cheke sa pamilya sang mga napatay nga sakay sang bus.

Ginpasalig sang gobernador nga magapabilin siya nga committed sa paghatag sang bulig agud masiguro ang kaayuhan sang mga Antiqueños ilabi na sa mga nalisdan. — via The Antique Provincial Government