Iloilo City Mayor Jerry Treñas nangakig sa department head nga nagkwestyun sa iya desisyon

ILOILO CITY – Wala napunggan ni Mayor Jerry Treñas nga mangakig sang nabatian nga may department head sa City Hall nga nagkwestyun sa iya desisyon.

Suno sa alkalde, gin-akigan sang amo nga department head ang isa man ka officer sa siyudad tungod “gina-agaw kuno obra niya.”

Ginpa-athag ni Mayor Treñas nga siya ang nagahatag sang trabaho sa tawo nga masaligan niya.

“Ako kadtuan niyo kay ako gahatag di. Bila**bay niyo. D*p*ta. Ako gahatag trabaho sa tawo nga nasaligan ko, nga may nakita ko nga resulta. Kun waay ko makita nga resulta, indi ta ka paghatagan trabaho,” suno pa kay Mayor Treñas.

Nagpa-andam si Treñas nga kasuhan sa Civil Service Commission ang amo nga department head kun suliton niya ang iya pagyawyaw sa iban nga officers sang siyudad.

Gintawag pa sang alkalde nga “non-performing asset (NPA)” ang amo nga department head nga wala niya na ginhingadlan.