Bangkay sang lalaki nga may pilas sang pagkalampos nasapwan sa Miagao

MIAGAO, Iloilo —Nasapwan sa maligwin nga parte sang Barangay Igtuba, Miagao ang bangkay sang lalaki mga las-7 subong nga aga.

Suno kay Punong Barangay Agnes Tabacolde, may pilas sang pagkalampos sa nawong ang bangkay nga ginkilala kay Arsenio Flores, residente sang Barangay Oyungan, Miagao.

Base sa panaysayon sang mga nakalabay, mga la-1 tubtob las-2 kaina sang kaagahon wala pa sang nakita nga bangkay sa lugar. Mga las-7 na sang may nakakita sa lawas.

Pasakaan sang kaso nga murder ang suspect sa krimen.

Suno kay Police Lieutenant Lunelyn Talamillo, deputy chief sang Miagao MPS, Enero 3 sa masunod nga tuig pasakaan sang kaso si Leorick Mosora, 18-anyos sang Brgy. Kirayan Tacas, Miagao.

Nadakpan si Mosora sa balay sang iya himata sa hot pursuit operation sang police. —via Maria Kayla Tingzon/Paula Jane Elambayo