Road closure ipatuman sa pila ka dalanon sa City Proper para sa hiwaton nga free concert sang Philippine Philharmonic Orchestra sa Enero 19

Mapatuman sang road closure ang Iloilo City Traffic Management Unit (ICTMU) sa pila ka mga dalanon sa City Proper para sa hiwaton nga free concert sang Philippine Philharmonic Orchestra sa Enero 19, las-6:30 sa gab-i.

Yari ang mga dalanon nga pasiraduhan antes mag-umpisa ang concert:

• Muelle Loney Street – Aldeguer Street

• Jm Basa Street – Arsenal Street

• Jm Basa Street – Guanco Street

• Jm Basa Street – Peralta Street

• Jm Basa Street – Ortiz Street

• Muelle Loney Street – Mellisa Street

• Delarama Street – Mellisa Street

• Zamora Street – Calasan Street

Nag-abiso man ang ICTMU sa publiko nga may himuon nga pagbutang sang stage kag pag-decorate sang venue sa atubang sang the Iloilo Dinagyang Grandstand sa Muelle Loney Street halin las-8 sa gab-i sang Enero 17 kag 18.