ILOILO — Patay ang 57-anyos nga lalaki sang natiruhan sa Barangay Baguingin-Lanot, Alimodian las-11:05 kagab-i.
Suno kay Police Captain Chrysler John Ledesma, officer in charge sang Alimodian Municipal Police Station, halin sa bulangan ang biktima nga si Rodelyn Doromal Jr., residente sang Barangay Agsalanan, Dingle, kag samtang nagalakat pabalik sa iya motor gintiro siya sang wala pa makilal-an nga suspect.
Sa panaysayon sang witness, ginpahayag ni Ledesma nga nagasuksok ang suspect sang pula nga t-shirt, itom nga kalo kag maong pants
Dugang pa niya, nakita sang witness ang pagsakay sang suspect sa puti nga pick up, kag ang duha pa niya ka mga kaupdanan nga yara sa sulod sang salakyan.
Nakaagum sang pilas sa ulo kag duha sa lawas ang biktima nga gilayon gindala sa ospital apang gindeklarar nga dead on arrival.
Isa sa mga anggulo nga ginasundan sang police nga may natabu nga indi pag-intindihanay sa tunga biktma kag sa mga suspect didto pa lang sa bulangan.
Padayon ang hot pursuit operation agud madakpan ang mga suspect.
