1 pilason sang nagbunggu-anay ang awto kag depasahero nga jeep sa Diversion Road, Mandurriao

ILOILO CITY — -Isa pilason sang nagbungguanay ang awto kag depasahero nga jeep sa Diversion Road, Mandurriao pasado las-4 kaina sang kaagahon.

Gindala sa ospital ang driver sang awto tungod sa naagum nga kapilasan sa lawas.

Naglawig pa sang 10 minutos antes nakuha ang driver sang awto sa iya salakyan tungod naipit ang magtimbang nga tiil sa mabaskog nga impact.

Wala naman napilasan ang driver sang jeep nga wala sang pasahero sang natabu ang aksidente.

Suno sa driver sang jeep, malayo pa lang nakita niya nga naga-ekis-ekis na and dalagan sang awto rason nakapreparar siya.

Halin sa Infante Flyover ang jeep samtang halin sa SM City ang awto.

Ginhimo ang two-way ang karsada pakadto sa SM City tungod may ginahimo nga fun run sa pihak nga karsada nga pakadto sa Infante Flyover.